രക്തസാക്ഷികള് അഞ്ചു വിധമുണ്ടെന്ന് ബുഖാരി-മുസ്ലിം (റ) സംയുക്ത നിവേദനത്തില് അബൂഹുറൈറ (റ)യില് നിന്നു വന്നിട്ടുണ്ട്...
കൊടുംവ്യാധി പിടിപെട്ടു മരിച്ചവര്,
ഉദരരോഗത്താല് മരിച്ചവര്,
മുങ്ങിമരിച്ചവര്,
കെട്ടിടമോ മറ്റോ തകര്ന്നു വീണു മരിച്ചവര്,
അല്ലാഹുവിന്റെ മാര്ഗ്ഗത്തില് യുദ്ധം ചെയ്തു മരിച്ചവര്. ഇവര് ശുഹദാക്കളാണെന്ന് നബി (സ്വ) പറയുകയുണ്ടായി....
അബൂദാവൂദ്, ഇബ്നുമാജ എന്നിവരുടെ ഒരു നിവേദനത്തില് വെന്തുമരിച്ചവരും, പ്രസവ സംബന്ധമായ കാരണത്താല് മരിച്ച സ്ത്രീയും പുണ്യത്തിന്റെ കാര്യത്തില് ശഹീദിന്റെ പട്ടികയില് വരും...
എന്നാല് അല്ലാഹുവിന്റെ മാര്ഗത്തില് യുദ്ധം ചെയ്തു രക്തസാക്ഷിയായവര് മാത്രമേ ഇഹത്തിലും പരത്തിലും ശുഹദാക്കളാകുന്നുള്ളൂ... ഇവരെ കുളിപ്പിക്കാനോ നിസ്കരിക്കാനോ പാടില്ല... രക്തം പുരണ്ട വസ്ത്രത്തോടെ ഇവരെ സംസ്കരിക്കണം. ബാക്കി മേല് പറഞ്ഞവരെല്ലാം പാരത്രികമായ ശുഹദാക്കളാണ്. പരലോകത്ത് ഇവര്ക്ക് ശഹീദിന്റെ പ്രതിഫലം ലഭിക്കും...
ഇവരെ കുളിപ്പിക്കുകയും നിസ്കരിക്കുകയും വേണം ...